اعلان

سلامات يا حبايب - محرم فؤاد

سلامات ياحبايب ... ياحبايب سلامات
سلامات سلامات يا بلدي .. سلامات يا حضن بلدي 
سلامات يا اهل بلدي
ياحبايب سلامات ... ياحبايب سلامات
سلامات ياحبايب ... ياحبايب سلامات



عديت بحر الليالى .. ونزلت مية مدينة 
لقيت الشوق لبلدى .. سابقنى فى كل مينا
وسافرت بلاد بعاد .. وبلاد غير البلاد
وقلبى هو هو .. مش قادر على البعاد 
ياغربه توهيني .. يا إما ترجعينى 
وتروحينى بلدى .. انام فى حضن بلدي
واقول لأهل بلدي .. سلامات سلامات يا بلدي 
سلامات ياحضن بلدي .. سلامات يا اهل بلدي 
ياحبايب سلامات ... ياحبايب سلامات
ياحبايب سلامات ..

صورة بلدى وحبايبى .. مرسومه جوه قلبى
مووايل .. مواوويل مواوويل مواوويل 
تحت شجرة توت فى ضلايه 
سواقى تدور تخلى الشمس ورداية 
وصبيه بتملى زلعتها وبتقول شيلها ويايا
مشتاق يا احباب مشتاق .. وتعبت من الاشواق 
الله يجازيكى يا غربه .. الله يجازيك يا فراق 
خدتني من اهلي وناسي .. وسابتني لكاسي القاسي
المر اللي ما ينداق .. 
ياغربه توهيني .. يا إما ترجعينى 
وتروحينى بلدى .. انام فى حضن بلدي
واقول لأهل بلدي .. سلامات سلامات يا بلدي 
سلامات ياحضن بلدي .. سلامات يا اهل بلدي 
ياحبايب سلامات ... ياحبايب سلامات
ياحبايب سلامات ..
وحشانى مصر والقناطر والنخيل والنيل .. واحلى الذكريات 
ام القناني الحلوه والليل والقمر والنسمه .. وخدود البنات 
بلدى وسمارها على جبينى .. بيصحى الشوق ويصحينى
ولا غير ميتها بتروينى .. ولاغير نسمتها بتحيينى 
يا احلى ليله بيضا .. يا صحبة ورد بيضا 
يا شمعة فرح بيضا .. وغنوة حب بيضا
قلبى حمامه بيضا .. بترفرف على الحبايب 
وبتحضن بالحبايب .. وتقول سلامات يا بلدى
 سلامات يا حضن بلدى .. سلامات يا اهل بلدي
يا حبايب سلامااااااااااات

كلمات: مرسي جميل عزيز
ألحان: بليغ حمدي

Share this

شاركشارك