اعلان

مستنياك - عزيزة جلال

حبيــــبي مهما سافرت مهما بعدت 
ومهما غبت يا روحي عني قريب مني
مهما طالت رحلتك مستنياك
قلبي معاك يا حبيبي في غربتك



مستنياك ياروحي بشوق كل العشاق
مستنياك تعبت من الأشواق
مستنياك وأنا دايبة ياعيني م الفراق .. حبيبي 

للدرجة ديه تغيب عليا وتهون عليك 
دمعة عينيا ويهـون هــواك
خايفة الأسية تاخد شوية 
من شوقي ليك إسأل عليا وانـــــت هناك
حبيبي تعالى, تعالى بر الأمان بيناديك 
ترسي عليه وترتاح في ظله
حبيبي تعالى,  تعالى الِقْلوب هنا
 بتحس بيك و بتوهبك العــــمر كله
مستنياك ياروحي بشوق كل العشاق
مستنياك تعبت من الأشواق
مستنياك وأنا دايبة ياعيني م الفراق .. حبيبي

حبيبي عمر البعد ما غير فيَا ولا في حد 
 صان العهد وحفظ الود طول سفرية .. غير يا عينيا يا غالي عليا
ولا تاب قلبي عن هواك ولا قال كفاية .. ولا داب حبي من جفاك ولا له نهاية
مكتوب عليا أدوب في حبك .. مكتوب عليا أتمنى قربك
تعالى بكره، ليلة والزمان ويانا .. تعالى بكره أحلى، لما يتجدد لقانا
مستنياك ياروحي بشوق كل العشاق .. مستنياك تعبت من الأشواق
مستنياك وأنا دايبة ياعيني م الفراق .. حبيبي..حبيبي

أنا بسأل النجـــــــوم كل ليلة عليك
وبكتب كل يوم غنوة شوق بتناديك
وبحلفك تجيني يا حبيبي وتناديني 
وساعتها حتلاقيني في لحظة بين إيديك
وكفاية... طولت في بعادك ، زودت في عنادك
ماكفاية...الشوق بيغنيلك يا تجــيــنــي يا أجــيلك
و تعالى ياغالي نور ليا اليالي
مستنياك ياروحي بشوق كل العشاق
مستنياك تعبت من الأشواق
حبيبي حبيبي


كلمات: عبد الوهاب محمد 
ألحان: بليغ حمدي

Share this

شاركشارك