اعلان

مداح القمر - عبد الحليم حافظ

عاشق ليالي الصبر مداح القمر 
عشق العيون السمر غواني السهر
لولا النهار في جبينك 
لولا الورود في خدودك 
لولا الأمان في وجــــــودك
مــا كنت هـويت .. ولا حبيت 
ولا حسيت بطعـم الحب يا عمـري



قدك المياس يـا عمري
 أيقظ الإحساس فـي صدري 
أنت أحلى الناس في نظري 
جل من سـواك يا عمري

يـا شـعـر ليـل يـا ليـل يا ليل 
وفـارد ضفايرك عالقمر 
يابو ضحكة حلوة منورة 
في ليل السهر يا ليل يا ليل
يـا للي حسنك خللي دقات القلوب
بتقول آهات .. اه .. اه .. اااااه
ياما قالوا فيك أشعــار كتيــرة وحكايـات
وليلاتي بيحكوا فـي هواهــــم 
وكلام ع الرمش اللي رماهــــــم
والليل بيطــول ويــاهـم 
ويقـربلي فـرحـة عـمري
قدك الميــاس يـا عمـري 
أيقظ الإحسـاس فــي صدري
أنت أحلى النـاس في نظري 
جل مـن ســواك يـا عمـري

عيني يا عيني عيني عليكي 
كل القلوب بتدوب حواليكي
أما أنا وحدي أنا 
بشوفك بس بعيون غير عيون الناس
واحبك بكل ما في القلب من إحســـــــاس
أما أنا وحدي أنا بشوف الحزن متداري
ورا الضـحكة اللي في عينيكـي
وبسمع في رنين صوتك شجن مالي لياليكـي
وياريت اللي كتير وصفوكي 
كانوا ياخدوا عيني يشوفوكي
كانوا بقـلوبهم حـبوكي زي ما حبيتك أنا وقلبي
قـدك الميـاس يـا عمري 
أيقـظ الإحسـاس فــي صدري
أنت أحلى الناس في نظــــري 
جـل مـن ســـواك يــا عـمري

موال عاشق بقيت موال 
وقصتي بتنقال للناس والعاشقين
وقالوا في الموال .. قالواعاللي صبر ونال
قالوا من بعد صبر سنين قالــوا
وانا اللي قلبي خــــلاص ارتاح 
أنا وبقيت في دنيا من الأفراح .. أنــا
ومشيت يا ليل مشوار طـويـــل 
ولا قلــت مــرة مـستحيــــــــل
ومـشيت ع الشـوك مـا رجعـني 
لحــد الحب مـا طـاوعني
وبقيت انـا والحلـوة حكاية 
عمر ما ح يبقى لها نهاية
طول ما انت يا حبيبتي معايا 
حتنــورلــي أيـام عمـــــــــري
قـدك الميـــاس يــا عمــــــــري 
أيقظ الإحســاس فــي صــــدري
أنت أحلى الناس فــي نظــري 
جل مـن ســواك يــا عمــــــــري


كلمات: محمد حمزة 
ألحان: بليغ حمدى

Share this

شاركشارك