اعلان

وكبرنا - نجوى كرم ووديع الصافي

وديع الصافي: ضميري مش مرتاح وقلبي مش مرتاح 
وحاسس حالي ضايع ومضيـّع المفتـاح 



أفكاري قلقانة وعيني سهرانة 
حاسس أنك يا بنتي ما عدتي انتِ
حاسس أنك تعبانة .. حاسس أنك زعلانة
عم شوف بعينيك غيوم سودا 
عم تشتي هموم .. هموم .. يمكن أنا غلطان .. يمكن انتِي غلطانة

نجوى كرم: إحساسك بمحله يا بيي 
إحساسك بجلـّه يا بيي .. وعن إذنك بدي قله بنتك صارت صبية 
كل ما غيمة سودا قبالي مرقت .. شو بتخطر عبالي كلماتك 
بتخطر عبالي نظراتك .. وارجـِّع رزنامة عمري 
أراجع أول صفحة بعمري .. صغيرة وتوعظني من كتاب 
بيحكي عن اتنين جديان .. ما وافق يا بيي وشو تعيّط عليّ 

وديع الصافي: إيه يا بنتي لما صغيرة كنتِي
خبيتك تحت جناحي .. خبيتك تـ ترتاحي 
وكبيرة هلأ صرتي .. صرتي انتِ جناحي 
بحلف بعينيكِ .. من كتر خوفي بوقتها عليكِ 
كنت أرسملك صور .. وأخبار على قلبي حالتك داير مدى 
وتبقي عبر زنبقة معبي الدار 
وتكبر بعين الكل .. وتبقى صغيرة بعيني 

نجوى كرم: وكبرنا يا بيي .. وكبرت فينا الأيام 
المسؤولية كبرت معنا .. وكبرت الأحلام 
كرمالي يا بيي شاركني المسؤولية .. ايه يا بيي 

وديع الصافي: لا تخافِي يا بنتي يا زهرة عيني 
وحدك ما بخليكِي بعرف صرتي صبية .. وصار لازم خاويكِي

نجوى كرم: بحاول ما أخبي عليك .. ولغيرك ما اشكي
بطلـّع بعينيك .. بحسك عم تفهمني .. من قبل ما احكي 
صعبة وحدي كفي الدرب .. أخدوا مني فرح الحب 
خطفوا مني قلبي وسرقوا مني الضحكة 

وديع الصافي: مش عم صدق شو عم أسمع 
حاسس قلبي بلـّـش يدمع 
نجوى كرم: أخدوا صوتي لمين بغني .. خطفوا لون دموعي مني 
حرموا عيوني تبكي .. ساعدني يا بيي .. ما تتركني يا بيي 
ردلي عــ قلبي الضحكة 

وديع الصافي: رح ترجعلك الضحكة .. وأيام الهنا 
عنك مش رح أتخلى .. ولا دقيقة أنا 
ومش رح خلي تطول النطرة 
والليل قبل ع بكرة رح ردالضحكة رح ردها أنا 

نجوى كرم: ما كان عندي شك يا بيي أنو إذا حكيتك 
أخدنا وعطينا .. رح أفهم عليك ورح تفهم علي .. ايه يا بيي 


Share this

شاركشارك