اعلان

استناني - نجاة الصغيرة

يا قلبي طير في الهوا واهدي حبيبي سلام 
اللي حرمنا وداعه وفاتنا للاوهام
وقوله هو اللي بينا حب ولا كلام
وحلفه بكل غالي يروح ويرجع قوام



ناديت عليه لا رد صوت ولا صدى
ناديت ناديت وغلبت من طول الندا

استناني استناني هي دقيقة كتيرة علشاني
استنيتك عمر بحاله مش قادر تستنى ثواني
ده انت حبيبي استناني

كنت حاقولك ما تسيبنيش 
للشوق والحيرة وخوفي عليك
خايفة عليك يا حبيبي
وابقى ابعتلي كلمة تهدي 
الشوق وتطمن قلبي عليك

كنت حتسمع دمع عينيا 
بيقولك ما تغيبش عليا
كان حيقولك لمس ايديا 
فكر فيا و فكر فيا

ناديت ما سمعت غير صوتي انا
يا ريت ما جيت ولا قلبي كان جنبي هنا
دنيا غريبة عليا وانت بعيد عن عينيا
وآه لو عرفت اللي بيا تبكي معايا عليا

استناني استناني هي دقيقة كتيرة علشاني
استنيتك عمر بحاله مش قادر تستنى ثواني
ده انت حبيبي استناني

يا واخد الدنيا الحلوة معاك
يا خوفي تنسى الدنيا هناك
فين اروح وحدي ودمعي على خدي
لا كلمة حلوة في ودني
ولا وداعك في حضني
دنيا غريبة عليا وانت بعيد عن عينيا
وآه لو عرفت اللي بيا تبكي معايا عليا

استناني استناني هي دقيقة كتيرة علشاني
استنيتك عمر بحاله مش قادر تستنى ثواني
ده انت حبيبي استناني


كلمات الشاعر مأمون الشناوى
الحان الموسيقار كمال الطويل

Share this

شاركشارك