اعلان

في يوم وليلة - وردة الجزائرية

في يوم وليله .. خدنا حلاوة الحب كله في يوم وليله
انا وحبيبي .. دوبنا عمر الحب كله في يوم وليله



عمري ما شفته ولا قابلته وياما ياما شاغلني طيفه
وفي يوم لقيته .. لقيته هو .. هو اللي كنت بتمنى اشوفه 
نسيت الدنيا وجريت عليه .. سبقني هوه وفتح ايديه 
لقينا روحنا على بحر شوق .. نزلنا نشرب ودوبنا دوب 
ومين يصدق يجري ده كله .. ونعيش سوا العمر كله 
في يوم وليله .. 
ياللي كان طيفك على بالي وانا بتمناه
مش حتصدق ايه كان حالي قبل ما القاه
كنت بحسد كل فرحه اشوفها بين قلبين 
كنت اغير من اي نسمة حلوه بين حبيبين 
ولما صحيت على حبك .. وشفت الدنيا من عندك
اتمنى لو كل العشاق بيحبوا زي انا ما بحبك

يا حبيبي كنت واحشني .. من غير ماشوفك وتشوفني
والقدر الحلو اهو جابني .. وجابك علشان تقابلني 
اتارينا كنا تايهين ولقينا .. اجمل ايام ليالينا
واحنا فيها لوحدينا ومين يصدق يجري ده كله
ونعيش سوا العمر كله .. في يوم وليله 

(موال) قالولي اهل الهوى ياما ياما
ياما في قلوب مجاريح .. وبحبك انت انا حشفي كل جريح
بيسالوني لو غبت عني او رحت مني .. اعمل ايه 
احب تاني .. تاني تاني
مش ممكن اقدر .. تعرف يا روحي .. ما اقدرش ليه
هو اللي زيك لو كان في زيك .. في الدنيا حد يحب عليه 

دي كل حاجه اتغيرت قدام عينيا .. وكل شيء في الدنيا حلو بقول دا ليٌا
واي حاجه المسها تحلو في ايديا .. وده من نهار حبك ما جه وسلم عليا
يا حبيبي كنت واحشني .. من غير ماشوفك وتشوفني
والقدر الحلو اهو جابني .. وجابك علشان تقابلني
اتارينا كنا تايهين ولقينا .. اجمل ايام ليالينا
واحنا فيها لوحدينا .. ومين يصدق يجري ده كله
ونعيش سوا العمر كله .. في يوم وليله 

حبيب امالي ياغالي يا غالي .. عمري كله ليك
وكل عمر يا عمري يا عمري .. مش خساره فيك 
بقول بحبك وحبك كان ميعاده بعيد
وفي يوم وليله ليله جميله .. هلت المواعيد 
قابلت شوقك بشوقي .. بعد طول حرمان
وفي يوم وليله جميله .. ليله جميله ضحكت لي يا زمان 
لو قالولي اليوم وليله في الحياة .. يا حياتي
اقول كفايه دي الحياة بالحب حتى لو ثواني
 عمر ثاني مالوش نهايه 
يا اللي حبيتوا قبلنا .. ياللي حتحبوا بعدنا 
يا رب يتمم فرحكم .. يا رب يتمم فرحكم .. يا رب
 وتحبوا بعض زينا
يا حبيبي كنت واحشني .. من غير ما اشوفك وتشوفني
والقدر الحلو اهو جابني وجابك علشان تقابلني
اتارينا كنا تايهين ولقينا اجمل ايام ليالينا .. واحنا فيها لوحدينا 
ومين يصدق يجري ده كله .. ونعيش سوا العمر كله 
في يوم وليله ..

كلمات: حسين السيد 
ألحان: محمد عبدالوهاب

Share this

شاركشارك