اعلان

من غير ليه - محمد عبد الوهاب

جاين الدنيا ما نعرف ليه .. ولا راحين فين ولا عايزين ايه
مشاوير .. مشاوير .. مرسومة لخطاوينا
نمشيها في غربة ليالينا .. مشاوير
يوم تفرحنا .. ويوم تجرحنا واحنا ولا احنا عارفين ليه 



وزي ما جينا .. جينا .. ومش بإيدينا جينا
زي ما رمشك خد لياليا وحكم وامر فيها وفيا
ولقيت بيتي بعد الغربة قلبك ده وعيونك ديا
ولقيت روحي في أحضان قلبك
بحلم وأصحى وأعيش على حبك
حتى في عز عذابي بحبك .. عارف ليه .. من غير ليه
من غير ليه .. آه يا حبيبي بحبك

يلي زماني رماني .. رماني
 في بحر عينيك ونساني وقالي أنساني 
في بحر عنيك يا حبيبي غريق 
لكن فيه أحلى ليالي زماني

تهت وتاهت دنيتي مني .. دنيتي مني 
بين أفراحي .. وبين أشجاني .. دنيتي غنوة لا .. تنهيدة لا
لا شيء تاني .. لا شيء تاني 
دنيتي حبك .. دنيتي حبك
حاجة لامسها .. حاسسها .. حاجة شايفها
لكن ولا أوصاف توصفها .. ولا أوصاف توصفها

وأحلم لو غمضت عنيا .. أحلام حلوة كتير وردية
فيها عيون .. وخدود وشفايف بتطير بيا .. فوق لياليا
اما بشوفك الاقاك أحلى الاحلام .. كل الاحلام .. كل الاحلام
يلي عنيك سهرت الدنيا .. ورمشك حضن السحر ونام
وده ليه يا ترى .. يجرالي الي جرى
واما بفكر اسقيك اكتر ما بتسقيني الحب ليالي الحب .. ليالي
ملقاش فرحة جت على بالي .. الا وحبك فرح حالي

حبيبي .. حبيبي .. آه يا حبيبي كل ما فيك يا حبيبي حبيبي
اه شعرك ليلي .. جبينك قمري .. حبك رحلة عمري وقدري
ليلي حلي .. عمري حلي .. وكل شيء في الكون حلي
لكن هنا .. تنهيدة .. تنهيدة في القلب .. اللي من الخوف اه ما خلي
تقول يا فرحة اتمهلي .. ده المبتلي بالحب مهما اتهنى 
 مهما اتهنى .. برده .. برده مبتلي

خايف طيور الحب تهجر عشها .. عشها وترحل بعيد
خايف على بحر الدفى ليلة شتى .. يصبح جليد .. جليد
خايف لبكرة يجينا تاخدنا سكة عذاب تاه فيها أحباب
أحباب كتير .. كتير قبلينا .. خايف .. خايف
آه .. عارف كل الخوف من بكرة ده ليه يا حبيبي
عارف سر عذابي وحيرتي ده ايه يا حبيبي
علشان انت الروح للدنيا اللي بعيش فيها
وانا من غيرك .. كل حياتي تضيع معانيها

وزي ما جينا .. جينا .. ومش بإيدينا جينا
زي ما رمشك خد لياليا وحكم وامر فيها وفيا
ولقيت بيتي بعد الغربة قلبك ده وعيونك ديا
ولقيت روحي في أحضان قلبك
بحلم وأصحى وأعيش على حبك
حتى في عز عذابي بحبك .. عارف ليه .. من غير ليه
من غير ليه .. آه يا حبيبي بحبك

مش معقول .. مش معقول يا حبيبي يا حبيبي
ابدا ابدا مش معقول
القدر الي هداني بحبك يوم من الايام من الايام يبقى عزول
مش معقول .. مش معقول
حبنا يا حياتي .. يقدر يقسى وينسى أحبابه
بعد ما كنا في حضنه ليلاتي نرجع تاني نقف نقف على بابه
روح .. يا حزن .. روح يا حزن اوعى تقرب لينا
ده احنا حبايب .. حبنا مهنينا والحب روحنا وارضنا وسمانا
ويا حزن قول لي منين بقى حتجينا

على بيتنا .. بالحب النجوم متجمعة
على بابنا شجرة ورد .. حلوة حلوة .. مفرعة
على شباك ألف شمعة .. مولعة .. مولعة
ويا حزن قول لي منين بقى حتجينا

يا عيون قلبي يا أحلى عيون يلا نعيش وكفايا ظنون
يلا نخلي عمرنا كله .. كله كله كله ليلة
ليلة .. ليلة .. ليلة
بعيدة .. بعيدة .. عن الحرمان .. عن الاحزان
عن الحرمان .. وعن الاحزان
وان لام حد علينا نقوله
لولا الحب ما كان في الدنيا ولا انسان ولا إنسان


كلمات: مرسي جميل عزيز 
ألحان: محمد عبدالوهاب 

Share this

شاركشارك